Мани яни вун ашукьдин мецеллай,
Кард яни вун гъуьрчехъандин гъилеллай,
Луьткве яни сирнав ийиз гьуьлеллай,
Акунриз хуш , лезги тават Разият.
Къекъведайла къведрен ериш къадамар,
Лекьрен лувар-пелел алай рац1амар,
Вун деминин я шадвилин шагьдамар,
РикIиз я нуш , лезги тават Разият.
Хайи хуьре мехъеринни мелерин,
Рик1 шад ийиз гьар межлисда эллерин,
Ваз гаф авач, устад я вун кьуьлерин,
Хуьрелви руш, лезги тават Разият.
Акур ч1авуз вун суварин сегьнеда,
Бейхабардиз чанда ялав къекъведа
Мурк ц1рада зи гьиссерин дегьнеда.
Симургдин къуш, лезги тават Разият..
Разият
© Copyright: Тамила Хуршидова Салманова, 2020
Свидетельство о публикации №120090208293
Свидетельство о публикации №120090208293
Рецензии