Лист кружится. Чъыгы тхьапэр мэбыбатэ

Даур Чирг 2
Чъыгы тхьапэр мэбыбатэ,
Жьым зэрехьэ, зэпрегъазэ.
Лъэпэрапэу ар мэхьарзэ,
Фэмыяхэу ч1ыгум тефэ.

Чъыгы тхьапэм ибыбык1э
О уишъхьацы фэсэгъадэ.
Ти урамы уирык1уак1э
Сыгу итео  дырегъаштэ.

Сыгу ц1ык1уи мэчэлъао,
Зимыш1эжъэу бгъэм щытео,
Зыреутэк1ы, зеук1ыжьы,
Бгъэм къыдэк1ы, укъеш1эжьы.

Т1эк1у ш1агъэ уинэплъэгъур
Сыгу 1эш1оу зыхэпк1агъэр,
Сыгу иоси ащ ыгъэтк1оу,
Сипчыхьып1э къызхэхьагъэр.

Тыгъэу къепсрэм инэбзыйхэр
О унапш1э сш1ухэк1уадэ.
Нэ къэрит1ум сакъыч1аплъэ,
Тыгъэ нэфыр ч1эсэлъагъо.

Убзэ 1эш1ур къыосэхы,
У1ущхыпц1эу укъысэплъы.
Уищхы макъэ зэхэсэхы,
Уиш1улъэгъу сык1эхъопсы.

Сэ шъхьэгъусэу узгъотынэу
Сыпщыгугъэу сыолъэ1у,
Укъезэгъэу къызсэо1ом,
Къеуагъ сыгум пчык1эр 1эш1оу


© Copyright: Даур Чирг 2, 2020
Свидетельство о публикации №120083108836
Список читателей / Версия для печати / Разместить анонс / Заявить о нарушении
Другие произведения автора Даур Чирг 2
Рецензии
Написать рецензию
Другие произведения автора Даур Чирг 2