Настанет день
І дзе той дзень,без страху і хлусні,
Калі нарэшце каляндар народны,
Перагарне свой ліст у светлым дні.
Узыйдзе сонца зноў для Беларусі,
Па-новаму засвецяць прамяні.
Не будзе праўда ў рабстве і ў скрусе,
І Існасці запаляцца агні!
Як цяжка здабываць народу волю,
Абмытую слязамі і крывёй.
Каб лепшай і шчаслівай была доля,
Зямлі, здаўна славутай дабрынёй!
З сівых вякоў змагаліся за праўду,
За гэта ваявалі і дзяды.
Каб не было знявагі і пагарды,
Да простай чалавечай грамады!
Каб не было ні роспачы, ні гвалту,
І мірны бусел над зямлёй кружыў!
Не аўтамат быў зброяй, а кувалда,
І гул камбайнаў раніцай будзіў!
І дзень настане!.. Толькі верыць трэба,
А хто жыццём свабоду здабываў-
Ім Памяць наша ад зямлі да неба!
Мемарыялы сярод пахкіх траў!
Хай Беларусь жыве - ёй быць свабоднай!
Хай мір нясе бела-чырвоны сцяг!
І шлях да волі грамады народнай,
Надзейным, роўным стане ў вяках!
Свидетельство о публикации №120082808979