Ухшар туш вун гьич пакаман ракъиниз,
Куьз вун экуьн яр галачиз акъатна?
Векьин винел чигед стlал къугъурдай,
Цlарцlар гвачиз,зар галачиз акъатна.
Ацlукьнава кьакьан дагъдин синел вун,
Нур алухьиз къарши дагъдин ценел,вун,
Мус алахьда бес къузайрин винел вун?
Тахьурай шагьвар галачиз акъатна.
Белки тахсир вид туш,рагъ,вал алач къал,
Вахъ галазни гьуьжетдайди ава жал,
Дагълар кьван я-вегьенватlа куьлге вал?
Хупl жедай са кар галачиз акъатна...
Ина мичlи дереяр гьам дерин я,
Ина гатун йикъарни кваз серин я,
Ина зи рехъ алатна-раг хуьруьнна,
Зи вилик чарчар галачиз акъатна.
Тlебиатдин хъуьрезвайнар инар я,
Им суьгьуьр я,им халикьдин гьунар я,
За лугьуз тир,къе бахтарин гунар я,
Хупl жеда пайгар-галачиз акъатна.
Намик ,фадлай яд хъваз таххьай булахар,
Майдихъ галаз уях хьанвай яйлахар,
Бубуйрин кlукl-яру,чlулав...уймахар,
Гьайиф вун къе яр галачиз акъатна!..
28.08.20г.
Ракъиниз
© Copyright: Намик Фарзалиев, 2020
Свидетельство о публикации №120082801861
Свидетельство о публикации №120082801861
Рецензии