Илимрин чир хьунар ажеб я,
Илимри къалурда гьакъикъат.
Амма я асасди тежриба,
Эфзелди-уьмуьрдин рекьера...
Хаинвал хьанач зи ивидик,
Килигнач вилери патандаз.
Жегьил яз гьевесар кlеви тир-
Кlан хьана жеди тек ви тан заз.
Де гила уьмуьрдин са вахт я,
Чир жедай вуч вуч я,вужни-вуж!..
Гьакl патав зи вун хьун са бахт я-
Зи тандал,нефесдал гъидай гуж...
Кlандатlа зи рикlик къал тахьун-
Садрани тамир,ша,на тек зун.
25.08.20г.
Сонет
© Copyright: Намик Фарзалиев, 2020
Свидетельство о публикации №120082501260
Свидетельство о публикации №120082501260
Рецензии