Гележегда вакай хьуй к1валин дестек,
Къаридиз,апаяз хьуй вакай куьмек.
Кlвализ атай къалай,ракъинин нур хьиз,
Гьа кlвале нур твадай хьурай вакай экв.
Вун гъуьлуьн даима хьурай гъилерал,
Багьаз кьурай,эциг тийиз чилерал.
Дертни гъам садрани агат тавурай,
Шадвилинбур хьурай,накъвар вилерал.
Кьураматда рекьел тахьуй тепеяр,
Ви гимидиз акси тахьуй лепеяр,
Уьмуьрдин уламра регьят жеда ваз,
Ац1айбур хьайит1а,вав гвай гьебеяр.
Хьайит1а,сабур гваз,муьт1уьгъ вахтуниз,
Аквада вун алай чка бахтуниз.
Хвейит1а на гьуьрмет ч1ехи-гъвеч1идан
Ханум хьиз вун хкаж жеда тахтуниз.
Свасаз
© Copyright: Тамила Хуршидова Салманова, 2020
Свидетельство о публикации №120081108161
Свидетельство о публикации №120081108161
Рецензии