Нягьякь инсан хьуз
Герен чIяаьн ву.
Гъахьир аькьюлсуз,
Игит дар думу.
БачI йиврур бализ,
ЧавтIан бицIириз,
КIуру дицириз,
Жинжал, инсафсуз…
Дарсариъ аьлхъюз,
Дустраз чIуруб пуз,
Себеб адарди,
Шлихъди вуш улхуз,
Абизна бабаз,
Инкар велед хьуз...
Чалишмиш махьан
Инжикра мапIан.
Гьякьлу инсан хьуз,
Гъагъи ляхин ву.
Амма дицир кас
Бахт айир шулу.
Дугъу бицIириз,
Кюмек апIуру.
Мектебдиъ вари,
Дарсар дургъуру.
Дуствалра чан кIваъ,
Багьади бисну,
Яшлу касариз
Гьюрмат апIуру.
Духьну баркаллу,
Дирбаш бай шулу.
Харжир ва ужур
© Copyright: Гюльмагомед Расулов, 2020
Свидетельство о публикации №120080808632
Свидетельство о публикации №120080808632
Рецензии