Ибшури а Маратдин хъюхъ,
Дубхьну азуз дидин язухъ.
АпIура «хъюш» ипну гьарай,
Хъа фу гъабхьнуш чахьан гьерхай.
Хъюхъну гъапи: «Я бай Марат!
БихъундайкIан узуз палат!
Хьашра узу улихь гьарган,
УдучIвру вахтна ихь хул’ан.
Ибар гьаз шулу гьаммишан
БачкIикк ккучIври аьхъю йигъан?
Хъа манишну убжур гардан,
Шарф илбижнайиб шубубан.
Кьюрдун вахтна анжагъ узу,
Абгъури шулу аязну»…
КIур Маратди: «Мибшан йиз хъюхъ!
Ма увуз йиз жибдин ягълухъ!»
Маратдин хъюхъ
© Copyright: Гюльмагомед Расулов, 2020
Свидетельство о публикации №120080808614
Свидетельство о публикации №120080808614
Рецензии