Гъулаъ мучIу гъабхьиган,
Гъаахну вари хулар.
Хъуркьси сабпи аязар,
Ахьра рякъяриъ йифар.
Кьюлу фу-вуш кцIабхури,
Узуз ахуз гъитрадар.
ГьитIикIнуш, кIурза, тIафли,
Ич бабан кIюгъял хифар.
-АпIин кьюл багъишламиш,
Гату гъюразухь закур.
Жин йибхь «цIам-цIам», хъа даршиш,
Уьмур вари шулив кур.
Гъабхьи магьа хал сикин.
Анжагъ пич даабхнадар.
Ипну хулаъ манишин,
Ургура ацIу гакIвлар.
Кьюлу гъапи явашди-
-Узхьан абхуз шуладар!
Гъитава, гъюз хулазди,
Мани апIузкьан ликар.
Кьюлан дерди
© Copyright: Гюльмагомед Расулов, 2020
Свидетельство о публикации №120080808585
Свидетельство о публикации №120080808585
Рецензии