-ТIибх, тIибх йиз бай, гучI мапIан!
Абхъну кIури накь сабан…
Уву гучIбях бай дарва,
Дирбаш, гъулан жакьв вува…
Туври бализ насигьят,
ИлтIибкIур адаш мукьлан.
ГьатIарццну хлинццар бали,
Гъебгу мукь’ан исинди.
ТIурччвур хлинццар, ва хъана
Магьа тIибхуз дубгъура…
Амма саб дупну гъванси,
Абхъру бегьем жил’инди.
Дада гъулан жакьв ибшур.
-Балин аьхир фициб шул?
Му гьарай абхъну миди,
Гъюр сар жинжал бай минди.
Назим кIуру ччвур алир.
-Йизуб ву думу! - гъапи,
БицIи жакьв ипу жибдиъ…
Амма, гъушган хулазди,
Аьгъю шулу адашдиз.
Адашди гъапи бализ:
-МапIан дициб гуннагь тIул!
Белки тIибхуз аьгъдаршул!
Лиг эле, йиз бай, зав’ин
ИлтIикIураш ихь кIул’ин,
Абана баб му жакьвлин.
Назимди жакьв деебтур,
Думу завариз тIибхур.
Жакьвар хъана илтIикIур,
Назимдиз «аферин» кIур.
Гъулан жакьв
© Copyright: Гюльмагомед Расулов, 2020
Свидетельство о публикации №120080808526
Свидетельство о публикации №120080808526
Рецензии