Дургну баяр ва шубар,
Гьяятди фужкIа имдар.
Лицураза ялгъузди,
Мицидар шулин дустар?
Тувундар кIури Гьясназ
Узура уьру Камаз,
Йиз тахсир мушваъ адар,
Дишди «ча» я гъапундар.
Тувуйзаки узура,
«Ча» гъапнийиш йицIубан.
АпIузкьан аьхю гиран,
Гизаф дарда думукьан.
Китаб тадабгъну Аьлди,
ГъячIябгънийи аьгъдарди.
Хъа тувнийиш пешкешди,
Гьаз чIябгъюйихъа давди?
Ккадагъган жаквлин ликар,
Амнатди гъапIзуз нюкьнар.
Хиял йибхь, тамшир шулдар,
Ккадар пну жаквликк ликар…
Гъузунза сарди
© Copyright: Гюльмагомед Расулов, 2020
Свидетельство о публикации №120080808500
Свидетельство о публикации №120080808500
Рецензии