Ахсрар ккивси, бицIи Аьлдин багахьна,
Бурма чIардин курцIил дуфна гьяятдиз.
«Эйси адру йиз яшайиш пис дубхьна,
Шулхьа дустар»,кIур, либгури улариз.
«Гашди ашра, йиз гъанна фужкIа шулдар,
ИпIруб узуз туврадар сар касдикьан.
Я уьлин кьацI, ясан кIураб ккунийкIан
КIури, либцураза»,- гъапи, гьаммишан.
«Уццру шулу йиз дюд аьхълу вахтари,
Шарф илбижуз гардналан гьич адруган.
Гъюру читин вахтар, йифар гъургъиган
Кьюрдну ахуз мани йишвкьан хътруган».
Дибисну Альди му курцIил чан хабахъ
Гъапи: «Айич увуз кьюрдиз мани ахъ!»
Хуру хул’ан ипIрубра бегьемди бул,
Адашдизра гъабхьи му дуствал кьабул.
Аьлдин курцIил
© Copyright: Гюльмагомед Расулов, 2020
Свидетельство о публикации №120080808420
Свидетельство о публикации №120080808420
Рецензии