Хьайи йикъалай яз ви гададин свас,
Мукьва хьанай чун,зун ваз-вунни заз.
Сифте кьилелай чун чаз хуш хьана,
Вакай заз диде, зун ваз руш хьана.
Вун я уьмуьрдин чирайди заз дад,
Ви мез хьана ракь, лигимардай чад.
Вахъ яб акална,зун гъалат1 хьанач,
Ви геляй фена зун,гьич галат хьанач.
К1валин кайвани,зун хьана диде.
Вун чи балайрин рик1 алай баде.
Зун буржлу я ваз уьмуьр амай кьван,
Заз къведач гьайифни гуз ви рекье чан.
Авахьна ятар, алатна йисар,
Заз хазина я на гайи тарсар.
Чирначирт1а на пис-хъсан вири,
Белки,авадан жечир зи ери !
Къаридиз
© Copyright: Тамила Хуршидова Салманова, 2020
Свидетельство о публикации №120070209450
Свидетельство о публикации №120070209450
Рецензии