К|арабрилай якар михьиз алудиз,
Мадни а кьасабчи к|ани кардик квай.
Жак|умар тандикай ялиз галудиз,
На лугьун рекьизвай вичин рик|ин ц|ай.
Уьлгуьчдин къилавар гуз вичин мециз,
Ада куьткуьнзавай зун къе гафарив.
Гьар гьарфунал са пут агъу эцигиз,
Кук1варзавай залан, туькьуьл ч|аларив.
Къуьруь рапар кутаз, епер хкудиз,
Т|век- т|векиз хц|у чан ам ацукьнавай.
Ст|ал- ст|ал иви тандай акъудиз, -
Руьгь саки сафуна гьик| кьеч|ез авай.
Япариз ван тахьай са зат| амукьнач,
Мад кана, алугна, амма сагъ я зун,
Селлер захъ элкъуьрна, церик кумукьнач,-
Синел лекь элкъвезвай кьакьан дагъ я зун!
Кьакьан дагъ я зун
© Copyright: Теране Оруджева-Керимова, 2020
Свидетельство о публикации №120070206288
Свидетельство о публикации №120070206288
Рецензии