К|анивал атанва, алуда дапIар,
Кьисметдин савкьатдиз ахъая ракар.
Гуьлнаран нубат я, кIев мийир варар,
Чалай яргъал хьурай саврухар гарар!
Хъуьт|ерин к|евивал, гатун чимивал
Гатфарин хуш шагьвар, зулун мублагьвал
Рик|яй - рик|из рекьер , паквал михьивал-
Кьисметда хьурай куь ихьтин к|анивал!
К|аниди варз хьурай, экв гуз мич|ера,
Вун -хунча гъетерин цавун ич|ира.
Гагь рагъ хьухь нур гузвай , гагь марф цавара,
Нехиш тур на яргъи рушан навара.
Гуьлнар -вун майвайрин арада анар,
Цуькверин алемда са багьа марвар!
Яр жеда багъманчи ви къадир авай,-
Цуьк хьухь адаз таза, даим атир квай!
Чун ава субайриз тахтар тIалабиз,
Уьмуьрдин рекьера бахтар т|алабиз:
Шадвилин селлер хьиз ярдал авахьа,
Мили хьухь, чими хьухь, к|валик какахьа!
Теране Керимова Оруджева
Гуьлнараз барка
© Copyright: Теране Оруджева-Керимова, 2020
Свидетельство о публикации №120070205992
Свидетельство о публикации №120070205992
Рецензии