Пщыщ ымакъэ шъабэ зэхэсэхы
Уищыlакlэ сэри сыщыгъуаз
Сыпсэм икъэблачъэ зэlосэхы
Хъярэу къеблэгъэжь сичылэ кlас
Жъыу:
Тыгъэр уашъхьагъы итынэу
Гъышlэр щыlэфэ сыфай
Мазэри къыпфэлыдынэу
Сэлъаlо сиГъобэкъуай
Пщынэ мэкъамэ зэкlужьыр
Чыжьэкlэ къэlу ощ пай
Гум укъыфэнэ лъэужэу,
Сичылэу, сиГъобэкъуай.
Адыгэ быракъым изыжъуагъоу
Тэ тилъэпкъыр дышъэкlэ хэдагъ
Мы Дунаем оры сигушlуагъор.
Ренэу сыфезэщы уидэхагъ.
Тихэгъэгум иналмэс-налкъутэу
Усэлъытэ сичылагъо гупс.
Мамырныгъэ гъашlэм иостыгъэу,
Чэщыр къэбгъэнэфэу, усигуъус.
27.06.2020 илъ.
къ. Инэм
Гъобэкъуай
© Copyright: Шефруков Адам Рамазанович, 2020
Свидетельство о публикации №120062704730
Свидетельство о публикации №120062704730
Рецензии