Хэгъэгу зэошхор текlыгъэу
Сэ сэгъэзыжьы сихэку.
Солдатхэр, нэфын остыгъэу
Къыкlэуцожьых сынэгу.
;
Джашъо Дунаир зышlыгъэу
Пыим, илъапсэ итхыгъ.
Бэрэ тежагъ Текlоныгъэм,
Цlыфхэми бэ ащэчыгъ.
;
Непэрэм, жъы сехъулlагъэу,
Хэгъэгум икъэлэ шъхьаl,
Себлагъэ. Парад гъэшlуагъэр-
Шъхьафитыныгъэм икlуапl.
;
Сэри ныбжьыкlэ сэхъужьы
Къулыкъушlэгъухэр сигъус
Парадым сыпсэ екlужьы,
Ар сэ сигъашlэм игупс.
;
24.06.2020 илъ.
къ. Инэм
Парадыр
© Copyright: Шефруков Адам Рамазанович, 2020
Свидетельство о публикации №120062403497
Свидетельство о публикации №120062403497
Рецензии