Бач1араб замана

Къваридаб гьаб дунял, даимаб гуреб г;умру,
Г;адада инсанасул унеб буго замана.
Загьру гьуинлъун буго, гьуинаб кьог;лъун буго,
Кьолболъан хисун буго хасият инсанасул.

Инжитлъи ц;ик;к;ун буго, ц;огь-мац; г;емерлъун буго,
Г;орц;аралг;ан г;адамал г;асилъиялда руго.
Г;арац г;емерлъарасул г;акъил вуго гьавулев,
Г;акълу бугев мискинчи малакь вуго вачунев.

Мац;ихъан вуго гьанже гьоркьохъанилан толев,
Гьереси бицине лъай буго гьунарлъун толеб.
Гьунаргун бах;арчилъи, бит;араб нух ккун хьвади,
Бот;рокъаб ах;макълъи-ян ах;и буго халкъалъул.

Лъик;лъи гьабулесдаги гьанже щаклъулел руго,
Щибг;аги жо х;ажалъун х;елулев вугилан ккун.
Х;илла-макру машгьурлъун, мунагь гьаби гьарзалъун,
Гьерсил калам камиллъун, камилаб жо бат;уллъун.

Бит;арабщинаб т;екълъун, т;екъабщинаб жо х;акълъун,
Х;акъикъаталда г;умру г;аксалда сверун буго.
Г;арцуца цулъарасе цониги закон гьеч;о,
Заг;иплъуда вугесе вагъаризе рес гьеч;о.

Ракъун холел рук;арал, руго бу-булел гьанже,
Боц;уца мехтизарун, мискинаб мех к;очон тун.
К;ванаг;ан зулму ц;ик;к;ун, залимзаби г;емерлъун,
"Г;акъилзаби" гьарзалъун, гьардухъабаз буго ц;ун.

Дида гьанже лъаларо лъелеб ц;ар заманалда,
Ц;иг;уц;иян абураб ц;ар гьалде рекъоларо.
Залимазул законаз зурулеб буго гьаб халкъ,
Заг;иплъуда вугесда буго рак; гурх;улеб х;ал.

Х;исаб гьабун бихьеха бугеб зах;малъиялъул,
Заг;ипаб яшавалъул ях;-намус бац;ц;адасе.
Бечедасе х;ел-х;едун, х;акимасе чучарун,
Чанги т;екъаб ишалда т;ад рекъезе к;веч;есе.

Илбис рек;елъ гьеч;есе, гьереси рихарасе,
Рит;ухълъи хириясе, хиянатлъи гьеч;есе.
Харбилъ макру гьеч;есе, мах;рилъи камурасе,
Кинабго жо лъалесе, кинабго лъаларесе.

Лъидего божулесе, божизе к;оларесе,
Бит;араб нух ккурасе, бат;улаб нахъ ч;варасе.
Бах;арчилъи, чорхолъ ях;, язихълъизе теч;есе,
Такъсирчилъи гьабизе гьунар жиндир гьеч;есе.

САИД ОРДАШОВ
(Ичич1алиса)