Дида ккола дунял доба рик;к;ада,
Ралъдада лъедолеб гамайин абун,
Гамидаги рек;ун ругин г;адамал,
Г;асрудулаб сапар сверулелилан.
Сапаралда бугеб гама батилин,
Гочунеб ч;еч;ого ч;ч;алде г;едег;ун.
Ч;алг;адего квегъун карачелаца,
Курс къосине гьабун къокъунеб бугеб.
Къойил карачелаз гьелчезе гьабун,
Гьури пуралъубе парусалъ бачун,
Ралъдал паналъуда пал къосинабун,
Пашманго лъедолеб лъалхъи гьеч;ого.
Щвараб бак; лъалареб лъел асирлъуда,
Лъедезе къуват хун къеркьелеб бугеб,
Къоял жиндир дагьлъун, къадар г;агарлъун,
Къисматалъ къач;алеб къот;уде ккезе.
САИД ОРДАШОВ
@avar_poet
Дунялалде
© Copyright: Саид Ордашов, 2020
Свидетельство о публикации №120061004279
Свидетельство о публикации №120061004279
Рецензии