Уйлаш ца1 мустафа ганижев

              УЙЛАШ – ЦА1          Мустафа Ганижев

Дунен т1а эггар хьалха толхавеш,
Хилар уж шекобоацаш – со ваьраш.
Хайра сона царгар из, ха ца дезар.
Кхийтар со, дагадоаг1аш лайжа дар,

Из къамаьл дора жугтечо цунга,
Телеке «Пусть говорят» оал хьога.
Шек а вацар из, шийха  хетачох,
Деррига адама кхайкадеш дорх.

Хала мег цхьачар из ваь да-нана?
Дика теркамбича тохкаш цох дар,
Чехка тха коа т1а г1ишлонхой тайна,
Цар толхаеш, хьоае цхьане нана.

Дунен т1а хьалхар телха хинараш,
Даьла е б1ехал, цан бехке воацаш –
Адам, Хьава ялсмале баьхараш,
Из цуна йолаш, из цуна волаш.

Сена дехкад лергашта 1оргаш?
Кхета – хьахаза, деза мегаш,
Нагахь мандале боарам цун гац,
Т1аккха, тешалахьа, хозаргдац!

            УЙЛАШ – ШИЪ          Мустафа Ганижев

Со къувсаш хул ц1ана, дегачур,
Со ц1ена бакъдолчо юкъе латт,
Сона в1алла теркамбе ца ховр,
Сога къамаьлдучо дагардайт.

Хетара адамаш ч1оаг1а къадаьд,
Сага б1аргуш дар иштта даьра да,
Вай сел, дукха вежари хьабаьхаб,
Х1анз уж вежари метта б1ежаш да.

Эра деша доаде магац сона,
Б1айха къовсам болча мете,
Б1оаг1ах, муг1ан байташ ехк аз тайна,
Цунах хотталу, къа дожаш х1аьта.

Деррига вай вахар хул саготох,
Довзартех хулаш муаш керахьа.
Сакхетадар цох чудаг1ац дучох,
Къинош мел дохкачахана сагах,
Синца кхоачаргвац хьо бухехьа.

Деррига къинош ший белгалдеш,
Догдоахаш хьежар вай сигала,
Цаьхха, цига х1аман зем цв беш,
Дегахьа теш вай тамашала!

          УЙЛАШ – КХОЪ            Мустафа Ганижев

Юх, малх чубузаш ц1ара ц1е хулар,
Из малайк да, Даьла коа т1а ше
Боагабу цо ц1ов, вай хул 1окадар,
Бийсанар ц1ов боагабу мапх айбе.

Дукха маьда е мерза ба ма1нах,
Кхалнах дукха ч1оаг1а, аьшка хулаш,
Каста ма1нах бахьанза хул кхалнах,
Кхалнаьха лазараш цар довзийташ.

Х1амсар ма1нах долача дисалаш
Дехарду шуга, деза къонахи
Шо ца дусе, уж, тха х1амсар мордаш
Шоана ларх1а хала хургда маьлхи.

Низ боалабу кхалнах-ма1нахаца,
Яьсса бокъонаш хьалуш физиках,
Цхьа хий в1ашаг1ийна чухожамчу
Цу кхалнаьха, ма1наьха оамалах.
.
Цкъарчо д1а-х1а лелхаш, вай г1арю,
Эрга торонех сетташ деце 1ер?
Шортта воашта дицдана торо ю,
Хьахулаш вайха вай халаг1ертар
             05.06. 2020 ш.