Рахьдал Мац1

Щивасе гьаб ракьалда
Рахьдал мац; буго бижун
Бат;и-бат;иял мац;аз
Миллатазде бикьараб.

Мац;алъе хилиплъарав
Халкъалъе вокьуларо,
Хазина ц;унуларев
Ц;одорасда рихуна.

Рахьдал мац; лъаларесда
Жиндир миллат лъаларо.
Гьеб лъаларев чиясе
Чияралъулъ бак; гьеч;о.

Чияр мац; бицунесулъ
Берцинлъи бук;унаро,
Бицине лъик; лъаниги
Гьезуллъун лъугьунаро.

Миллаталъе чиярлъун,
Чияе бат;иявлъун,
Бат;а гьоркьов хут;арав
Халкъалъги рик;к;унаро

Рахьдал мац;алъ миллатго
Берцинлъизе гьабула.
Бицун гьеб ц;унулесул
Ц;ик;ун х;урмат гьабула.

Ц;уне, ц;уне рахьдал мац;,
Рек;ей бищун г;агараб.
Бице миллаталъул мац;,
Маг;на бит;ун бич;ч;унеб.

Маг;арул бечедаб мац;
Бичулев чияралъухъ,
Чарлъула г;адамазе,
Г;адлъула миллаталъе.

Умумуз хвезе теч;еб,
Хазинадуе тараб,
Хвезе тоге авар мац;
Эбелаб Ват;аналда!

Воре, ц;уне авар мац;
Ахх эбелалъ бачараб.
Умумузул бах;арзаз,
Би т;ун миллат ц;унараб!

Рахьдал мац; хвезе тани,
Халкъалъул миллат хола.
Гьеб хвелеблъи лъанани
Хваги дунги жакъаго!

САИД ОРДАШОВ
@avar_poet
С.Ичичали