Хзанда свас герек туш заз!
Зи гафунал гаф эцигдай,
Захъ галачир касс гилигдай,
Пелеш бириш тваз килигдай,
Хзанда свас герек туш заз!
К1валин к1валах ийиз дак1ан,
Дамахунар чидай хъсан,
Течир вичиз аял, хзан,
Хзанда свас герек туш заз!
Ивидик квай табни гьилле,
Чарадан гъил кьадай гъиле,
Пис ниятар авай рик1е
Хзанда свас герек туш заз!
Вичин гъиляй кар текъведай,
Вич багьнаяр кьаз къекъведай,
Гаф лагьайла хъелни къведай
Хзанда свас герек туш заз!
Эй, Владик, пис рахамир,
На жувакай гьич рик1 хамир,
Темпел рушан кьилни кьамир,
Ахьтиндакай свас жедач ваз!
Хзанда свас герек туш заз!
© Copyright: Владик Батманов, 2020
Свидетельство о публикации №120052206211
Свидетельство о публикации №120052206211
Рецензии