ТIирхри луфар завуъ
Халачйирин гъирагъ
Балгру накьишар,
УнтIапIякьяр адаршвну
А дагълариъ.
Хиял апIин, кIулар
Эрхнайи шубар
А дийигъну, хъахьну
Уьру ягълухъар…
За апIури кIулар
ХъцIакура жандкар,
Арагъури айигансира
ялхъниз,
Уткануб ву табиаьтдин
Мярака,
Жакьвар – ашкьар гьарган ву
Гьязур дидиз.
Гъит, адаршври уткан
Кюкйир дагълариъ,
Лизи луфар тIирхри
Завуъра укIу,
«Лай –лай» йиври
Шинтарихъра бабари,
БицIидарра гъарахри
Ширин нивкIуз.
Халачйирин гъирагъ
Балгру накьишар,
УнтIапIякьяр адаршвну
А дагълариъ….
***
© Copyright: Шюшеханум Керимова 2, 2020
Свидетельство о публикации №120051910442
Свидетельство о публикации №120051910442
Рецензии
