Хкаж жедайлахъди явашдиз виниз,
Вахъ цацар галк|изва агъуз ял хъийиз.
Чухваз тандал тазва сагъ тежер хирер,
Кутазва шад руьгьдик азабрин кIирер.
Вучиз атIузватIа кIвачерин аман,
Вилик бес галачни кукIушар кьакьан?
Ракъар аквазвачни вав гъил вугузвай,
«Инсанриз», вун патал саврух ракъузвай?!
Регьят туш акъатдай рекьер сувариз ,
Татабар такурай, лув це цавариз!
Рик|ел хкваш вуна алатай крар,
Муркадин къаябри куьнвай жигъирар…
Накъвар авахь тавуй элкъвез селлериз,
Кьисметдин легьзейри тунвай гелериз.
Шегьре кьулук кума, чкIанва муькъвер,
Гила вилик гала тийижирвилер....
Теране Керимова Оруджева.
Вилик гала...
© Copyright: Теране Оруджева-Керимова, 2020
Свидетельство о публикации №120051408890
Свидетельство о публикации №120051408890
Рецензии