Сыпфэмыусэжьы хъугъэу
Хэт зыlуагъэр?
Бэкlэ лые усфэхъугъэу
Хэт зыlуагъэр?
Уинэплъэгъу сыщымыгъуазэу,
Уисурэт сытемыlазэу,
Лъагъуныгъэр тимыхабзэу,
Хэт зыlуагъэр?
Зытымыгъотыжьэу титlум
Хэт зыlуагъэр?
lашlу акlэмылъыжьэу пlитlум
Хэт зыlуагъэр?
Унэхэм таримызагъэу,
Шъхьаджи ыгу зэпрыгъэзагъэу,
Гущыlалъэр тизыджагъоу,
Хэт зыlуагъэр?
Сыпlумыкlэжьынэу ныбжьи
Хэт зыlуагъэр?
Сыкъэпщэфыжьыгъэу, сыпщи
Хэт зыlуагъэр?
Синасып ухэмытхагъэу,
Кlыбхэри зэфэдгъэзагъэу,
Зэкъоныгъэм тыхэхьагъэу,
Хэт зыlуагъэр?
Хэт зыlуагъэр
© Copyright: Шефруков Адам Рамазанович, 2020
Свидетельство о публикации №120051305906
Свидетельство о публикации №120051305906
Рецензии