Душманди гьужумна Ватандал,
Аялвал фад вавай къакъудна.
Фуъ хьанач, партални ви тандал,
Кашни мекь, туькьуьлвал агудна.
Бубадин ери буш амукьнач,
КIвалахра ам вуна эвезна.
Са югъни бейкар яз ацукьнач,
Гагь чумахъ,гагь кьуна туьрез на.
Ваз такур вуч ама и вад суз...
Дидейрин, вахарин сузаяр.
Зегьметчи кьуьзуьбур къуватсуз,
Татугай хъут1алар, къузаяр.
ТIурфанар, гарарвай татабриз
Хьанач,вун акъвазна аслан хьиз.
Таб гана гужариз-азабриз,
Лигимна уьмуьрди,гьулдан хьиз.
Илимдин ахъайнач кьенерар,
Вун к1еви хьана ви къастунал.
Зегьметди гана ви бегьерар,
Вун мягькем хьана ви постунал.
РикI шадлух гьиссерив ац1анва...
Буба,вал кьил ч1угваз, килигиз,
Хтулар ви патав атанва,
Гъил кьуна ваз сувар тебрикиз !
Нажмудин бубадиз
© Copyright: Тамила Хуршидова Салманова, 2020
Свидетельство о публикации №120050805851
Свидетельство о публикации №120050805851
Рецензии