Сандухда гьуьжетунар
Мармалат, манпаси, гьам шкалатар.
Т|унут|ар, печени, пастила, зефир,
Алахьиз кьуд патаз гзаф хуш атир.
Ашукь я чеб- чпел ина таватар,
Гьим иер я лугьуз… физва сятар.
Зефирди хъуьхъвелай чкуриз ч|ижер,
Лагьана агъузна перемдин ценер:
-Зун я, куьк ят|ани, виридаз масан,
Туьтуьнлай регьятдиз фида зун хъсан.
Пегьриз хуьзвайдани т|уьрай жуьретдив.
Анжах духтурдизни яб це дикъетдив!
Мармалат акъатна юкьвал дамах гваз:
-Хийир ава закай гъвеч|и-ч|ехидаз!
Шкалат къарагъна: зав дигайд авач,
Гуьгьуьлар ахъайда -за рик| ягъадач!
Эхирда хтана баде хьракай,
К|евна сандухдин сив ахъаз тунавай.
Амма куьтягь хьанач рушарин гафар,
Я гвай дамахунар, я гьуьжетунар....
Свидетельство о публикации №120050810572