Начагь мейваяр
Дегиш жезвай лугьуз гатун гьаваяр.
Доктордал вил алаз экуьн яралай,
Сабурдив нубатда ацукьна авай.
Вахтунда атана дамах гвай доктор,
Лацу халат алай яру помидор!
Раб-дарман агудна легьзеда вичив,
К/валахив эгеч/на жавабдарвилив.
Гьахьна садлагьайди туьд т/азвай келем,
Тандал акъалжнавай къанни вад перем.
Хкажна гьайбатдив чешмегар кьилел,
Меслят гана гъил эцигна пелел:
-Сейли мейвайрикай заз чиз, сад я вун,
Тан даим лигима- такурай зурзун.
Авай - авачирбур вири алук1мир,
Гьекь алаз гарарал пара ацукьмир.
Ингье, кабинетдиз авахьна буран,
Нефес къачуз тежез ат|узвай аман.
Лагьана лукьманди алцумна чуькьуьн:
-Тадиз, буран хала, т/имилара т1уьн.
Рик/елай алудмир терездал ч/угун,
Фад- фад холестерин, шекер алцумун .
Къениндилай к|евиз хуьх вуна пегьриз,
Хъвамир са хуп/ ядни, нянихъ - йифиз!
Ахпа нубатдавай афни атана,
Яхун я ам яман - рангар ат/ана.
Чинал вичиз махсус къабарар ала,
Докторди тажубдив ик| давамарна:
-Михьа чин экьунлай ч/утран цуькверив,
Агуда руша хьиз гагь-гагь вилерив.
Ая зарядкаяр, хъухъ витаминар,
Мягькемра на зайиф хьанвай жак|умар.
Нубат я, дамахдив атана казар,
Кулавай аялди ийизвай бизар.
Гьарнихъ килигзава, чапрас я вилер,
Къиб хьиз къвекъвезава, какур я к|вачер.
Кьил галтадиз ама доктор им акур,
Фикириз амукьна: са им тир такур...
Атана бейхабар зенг телефондиз-
Куьмек лазим хьанва тадиз пахладиз!
Аспирин, анальгин, марганец кьуна,
Кьватида мукрат1ар, скальпель туна,
Начагъ хьанвайбуруз сагъвал т/алабна,
Доктор эверуниз фад рекье гьатна...
Свидетельство о публикации №120050710966