Пагь им вуч кьисмет я, им вуч мусибат,
Амат|а ваз такур мад са аламат?
Йисари тунва ваз гъамарин гелер,
Ялаври авунва сагъ тежер хирер.
Садбуру ц|уру яз кьунват1ани кар,
Муьк|уьбур ц1ийибур -рик1 жедачни дар?
Къаярин, саврухрин агакьнач т|акьат,
Хьанач вун ярхариз -им я гьакъикъат!
Лагь, гьинай атана и т|ем и къуват,
Белки бубайри ваз тунва аманат?
Паднава вун залум са ц|айлапанди,
Магълуб туш-ц1ай авай къенера тандин!
Пичхалин ярашугъ, Пирарин дамах,
Чешне яз амукьа, це чазни чахмах.
Ргурай дамарра Давудан иви,
Халкь акъваздайвал къастарал к1евиз.
Це чазни чахмах
© Copyright: Теране Оруджева-Керимова, 2020
Свидетельство о публикации №120050610632
Свидетельство о публикации №120050610632
Рецензии