Къвекъвезва хиялар йифиз
Ксанва чи шегьер, шегьерэгьлияр.
Серин я гьава къе, къугъвазва гарар,
Вичиз хас жуьреда ягъаз авазар.
Амма лап яргъарай сефил са къушра,
Секинвал ч|урзава гьик| ара- ара.
Им вуч эвер ят1а, вуч рик|ин гьарай,
Вучиз ат|анват|а, лагь адан кьарай?
Йифер зун паталди хьанва жазаяр,
Рехъ алатнавани, верц|и ахварар?
Куьн вилив хуьз ава- к|евнавач дак|ар,
Бес тушни са чандиз икьван авхарар?
Къвекъвезва хиялри аранни яйлах,
Гьич такур цуькверай ац|урна къужах…
Гагь рагар рамна за уьткем лекьре хьиз,
Гагь дидедин гине шехьна аял хьиз....
Ингье, йиф акъатиз алукьзава яр,
Ксанва чи шегьер, шегьерэгьлияр.
Уях я гьелени цавара гъетер,
Зун хьтин шумудан юзуриз руьгьер...
Свидетельство о публикации №120050610619