Алук|на п|иниди, ц|иц|рен тип|рияр,
Къугъвазва ятара лугьуз лирлияр.
Кьац|анва хурхарай яру тир хъуьхъвер,
Хъуьрезва яргъалай килигиз нук|ер.
Гьатнава ц|иц| хъиле гьарай- эвериз,
Юзуриз вичи- вич яман ц|ир- ц|ириз.
Экуьнлай къвекъвезва тип|рияр квахьна,
К|анидан савкьат тир –дердера гьахьна.
Эхирни акуна хвалавай п|ини,
Кьам кьуна акъудна кватзавай т|или.
Шехьзава иерди накъвар алахьиз,
Нерар авахьнава, т|ишикай квахьиз....
Къалмакъал акуна са хуьшрекандиз,
Кьуьнч|уьк к|ент|ер галаз, хъфизвай к|вализ.
Лагьана: ша, шехьмир, вун лацу п|ини,
Храда за вазни кьве пекдин тип|ри….
Тип1рияр
© Copyright: Теране Оруджева-Керимова, 2020
Свидетельство о публикации №120050610504
Свидетельство о публикации №120050610504
Рецензии