Лацу шемин юкьва сузадава гъал,
Агь чIугваз цIурзава, агакьзавач ял:
-Вуч тирт|а зи гунагь, вуч ят|а тахсир,
Зун мили памбаг тир-т|ебиатдин сир.
Вучиз чан аламаз, сура тунват1а,
Шеминив кьуд патай вучиз кьунватIа?
Ингье, ц|ай ягъанва, ч|ух жез ава зун,
Гьатнава зи чанда, кич|ерар, юзун.
- Яб це заз, секин хьухь, кьамир вуна къал,
И шемни шехьзава вичин кьисметдал.
Зазни амач гудай теселлияр ваз,
Кьведаз са дерт ят1а амукьнавай чаз?
Вун хаму суна тир, чуьллерин ценел,
Зун хару мулдин цуьк, бубадин гъилел…
Бахтавар, вун кузва навар какахьиз,
Амма зун- ц|ай квачиз, гумар алахьиз.....
Кьведаз са кьисмет
© Copyright: Теране Оруджева-Керимова, 2020
Свидетельство о публикации №120050610491
Свидетельство о публикации №120050610491
Рецензии