Эхир пел эцигна, за вал, верхьи тар,
Ван къвезва япариз саки ви гафар:
Гьикьван вахтар я за рехъ вилив хвена,
Азизди, лагь вучиз, вун ик| геж хьана?
Вун патал алукьна и чими гатфар,
Саврухар чукурна атана шагьвар.
Амач и патара гила аязар,
Шад я къе булахар ягъаз авазар,
Чидани сефил тир гьикьван гъвергъверар,
Килига, шуьт|кьузвай тамун гевгьерар…
Вахъ яман дарих тир зи тан, зи хилер,
Кар кьунвай руьгьдавай йисарин хирер...
Зи жаваб геж хьанач: чан к1ани дустар,
Пак я куь виридан хиялар, къастар.
Гатфари сагъарда ц1уру къабарар,
Гвачирни къушарив хийир хабарар?
....Шехьиз кьвед алама- зунни верхьи тар-
Я захъ гьал галамач, я адахъ нектар…
Шехьиз алама...
© Copyright: Теране Оруджева-Керимова, 2020
Свидетельство о публикации №120050610461
Свидетельство о публикации №120050610461
Рецензии