Бубуяр хч1ална сувун ценелай,
Манидал илигна, за ваз, к|аниди.
Т|ем- къуват къачуна кьакьан синелай,
Чан руьгьдиз мукьвади, рик|из чимиди!
Къе вуч фад бубуйрив гинер ац|ана…
Зун к|вализ хтана, тамун рекьерай…
Булахдин къайи яд кутарда цана,
Азизди, ваз гъана миргин гелерай…
Заз, гурар храна и цуькверикай,
К1анда гьик1 цаварин аршдиз акъатиз!
Вуч хъсан, нур кьатIун саф экверикай,
К1ан хьана гъетерин патав агатиз.
Кьуна зун варз, гъетер, и экуь цавар,
Шаддаказ эвич|да-руьгьда ц1ай хьурай!
Зи чандик акатай ашкъидин навар,
Багъишда за вазни - им зи пай хьурай!
Им ваз пай хьурай...
© Copyright: Теране Оруджева-Керимова, 2020
Свидетельство о публикации №120050610430
Свидетельство о публикации №120050610430
Рецензии