Алатна гьар жуьре къушарал ванер,
Чуьхуьзва ятари кьереяр, къванер.
К|ук|ушрал чарх ч1угваз, элькъвезва лекьер,-
Зи хайи дагълариз гатфар атанва!
Кьеж галай ч|урариз, хаму ник1ериз,
Ц1ийиз акъатзавай чуьлдин цуьквериз,
Рагъ ава экуьнлай милиз туьмериз,-
Зи хайи дагълариз гатфар атанва!
Вац|ар алахьзава - ц|разва живер,
Чарчарар акахьиз йигин я селлер…
Инсанрин пIузаррик акатнава хъвер,-
Зи хайи дагълариз гатфар атанва !
Булахдал ашкъидив лугьуз баядар,
Рухар чуьхуьз ава рушарни сусар.
Бахтавар аквазва къе заз Пиралар,-
Зи хайи дагълариз гатфар атанва!
Гатфар атанва
© Copyright: Теране Оруджева-Керимова, 2020
Свидетельство о публикации №120050409883
Свидетельство о публикации №120050409883
Рецензии