Экуьнлай зал шагьвар аруш жез ава,
Саки хуш гатфарин ягъаз авазар.
Тухузва зи бишме - зун галтугзава,
Къакъатиз, лепе хьиз, къугъвазва ч|арар.
Мукьвал- мукьвал гила рагъ хъуьрез ава,
Зи руьгь лап шадариз, туьмериз милиз.
Гагь нурар чук|уриз, чуьнуьх жез ава,
Циферин кьулухъай гагь вилер мич|из.
Булахрин пак ятар завди рахазва,
Шур - шуриз, куш - кушиз ванер акахьиз.
Физва къванерилай, куркурар тазва,
Авахьиз йигиндиз вац|ук какахьиз.
Нуьк|вери шаддаказ яргъариз катиз,
Сад-садаз манияр лугьузва цава.
Т|ебиат гатфарин навара гьахьиз,
Мурадрик лув кутаз, чаз хъуьрез ава…
Гатфарин мани
© Copyright: Теране Оруджева-Керимова, 2020
Свидетельство о публикации №120050409871
Свидетельство о публикации №120050409871
Рецензии