Амукьа гьа зар хьиз
Мекьила, кич|ела чандик фул галаз…
Кьат1ана азабар к|уьлуь сварарай,
Аквазвай къвал-къвалал алай са сурай.
Са юкъуз ада зи рак|ар гатана,
Руьгьдиз мугьман хьана ва ик| лагьана:-
Бес я вун ксайди ич|и мич|ера,
И къайи накьвари гузвай кьежера.
Це зав гъил, къалурин женнетдин багьлар,
Лекьери мугнавай кьакьан тир дагълар…
Гана кич|ез- кич|ез зурзазавай гъил,
Фена зун гуьгъуьна гьик1 агъузна кьил…
Чун рекьиз акъатна, ялаври хъухъуз,
Алукьиз- къарагъиз селлери тухуз.
Зун гьейран авуна адан нурари,
Гьар ч1авуз мецеллай верц|и гафари.
Бирдан ахъа хьана чи гъилер гъиляй,
Са дили гьарай зи акъатна къеняй....
Кьежерай акъудна къулак кутуна,
Кьве рекъин юкьвал зун ада ик1 туна.
Фад кана алахьрай, пара ая ц1ай ,
Цаварин аршда хьуй и наварин пай!
Вун зар я заз акур, амукь гьа зар хьиз,
Минет хьуй, яб гумир зи агьузардиз...
Свидетельство о публикации №120050409830