Диде ацукьнава, вил рак|араллаз,
Рик| алай к|ани хва яргьара аваз.
Накъвари мет|ерай т|век акъудзава,
Хиялрив ам вичив гьик| агудзава.
Чан зи умуд, иман, к|валин иеси,
Зи рик|ин мурадар, ваз ийин веси.
Хъша, эцига к|вач чилел ватандин,
Теселли я вун зи- бедбахт инсандин.
Йикьарин са юкьуз, бала къагъана,
Начагь тир дидедин къужахда гана…
Дидеди кьунвай ам рик|ив игисна,
Сузадиз яб гузвай алемди кисна:
Ксус, чан дидедин, верц|и ахвара,
Ирид къат памбагра, лацу агъара,
Месер хъуьтуьл хьурай- ваз т|ар тахьурай,
Чимивал гьеле ваз накьвари гурай.
Ксус, чан дидедин, хьухь вун ахвара,
Ингье, зун ви патав къведа мукьвара.
Рик|е амай гафар гьана лугьуда,
Эвел хьиз лай-лайдал за вун ксурда.
Эхиримжи баяд
© Copyright: Теране Оруджева-Керимова, 2020
Свидетельство о публикации №120050309406
Свидетельство о публикации №120050309406
Рецензии