Начагь я, и тIалдиз авач са дарман,
Зи дердер дерин я, азабар яман.
Минет хьуй къалура, рикI алай дере,
Им кIани мурад я, авай зи рикIе.
Твах вуна зун хуьруьз, дагъдин къужахдиз,
Мулдин цуьквер авай къацу яйлахдиз.
Килигин рекьериз, на тур гелериз,
Вуна тарифзавай сувун ценериз.
КIаниди, акъуда кьуна гъилерал,
Вуна зун цавариз- тамир чилерал!
Гагь кард хьиз элкъвен зун дагъларин кукIвал,
Гагьни чун ацукьин цуькверин юкьвал.
Руьгь лугьуз ава заз, хиялар къекъвез:-
Кьисмет хьана кIандай вун дагъдин лекьрез…
Эхь, зун ви свас хьанач, вакайни заз яр,
Ана сур хьурай зи, це заз ихтияр…
Ана сур хьурай зи
© Copyright: Теране Оруджева-Керимова, 2020
Свидетельство о публикации №120050309195
Свидетельство о публикации №120050309195
Рецензии