Мэкъум щыIауэ дадэр,
Ешауэ Iэнащтэм къокIыж,
КIэпIинэхэм ясейящи дыгъафIэр?
Къуажэ Iэхъуэр Къуэ куум
къэмыкIуэж.
Жъыбгъэр шэджагъуэм ятэри,
Iэтэр щIыгъуейуэ ящIащ,
Жьыпэу зэ хъуным ежьатэм,
Iэмбатэхэр губгъуэм къинат.
И къуэрылъху цIыкIур "къуещIейми",
Нобэ сэбэп къыхуэхъуащ,
Тхьэр аразы къыхухъу-сэбийм,
IуэнтIар зэгъусэу хэлъхьащ.
Хьет! - жиIэу гъусэ ар хуэмыхьуатэм,
Iэтэр хуэгъувырэт сытымикI,
Мэкъум тетын уимыгъуcэм -
Махуэр щыжьапщэм: уи бийщ.
ДыгъэмыхъуэмкIэ къызэщIэуфIыцIащи,
Нобэ уэшх къешхынри хэлъщ,
Мэкъур зэщIэкъуа хъуащ уэфIыуи,
АдэкIи, Тхьэм жыхуиIа хьунщ!
Гъэ кIуам и мэкъур ядыгъури,
Гугъусыгъуу щIымахуэм текIащ,
ГъуэнэгъуфIхэ уиIэнщ уи нэсыпым,
Ахэм я фIыщIэкIэ Iэщхэр къызэтенащ.
Заикъуэ, 1973 гъ.
Гъусэ
© Copyright: Абубакир Жемухов, 2020
Свидетельство о публикации №120050308188
Свидетельство о публикации №120050308188
Рецензии