***
Кьилел храй цуькверин таж,
Пlузарралла мили хъуьруьн.
Патав кlанда пайгар дилмаж-
Агакьариз рикlин луькlуьн.
***
Я бахтавар инжи тават,
Яраб вун низ яр жедатlа?
Атайла гаф лугьуз къуват-
Зазни ихтияр жедатlа?
***
Вучиз дидар заз акунай,
Рикlевайди чараз тирдан?
Чанда ашкъид цlаяр туна-
Къениндал руьгь тараз тирдан?
***
Заз килигмир, ийер суна,
Квахьна, акьул кьиле амач.
За мад кьисмет кеклик кьуна,
Вал хъяйдай гуьлле амач.
02.05.20 г.
Баядар
© Copyright: Намик Фарзалиев, 2020
Свидетельство о публикации №120050310819
Свидетельство о публикации №120050310819
Рецензии