Эгьей, ша фин, рушар, хуьруьн булахдал...
Теране Керимова-Оруджева
Гьей,гадаяр,ша чун къе фин булахдал,
Къенфет хьтин рушар къвезва булахдал.
Секин рикlик гьиссерин мел уяхдай,
Инжи тавус къушар къвезва булахдал.
Шиндакьвилин звар ква лацу закlамрик,
Хура тlвекдай хьелер-чlулав кlакlамрик.
Наз маса гуз юзурзавай закlал юкь-
Шанкlал тупlуз ухшар къвезва булахдал.
Килигайдан чан къачудай чанар я,
Шумал буй я, лали хурал кьве нар я.
Ни лугьуз хьи им халикьдин гьунар я-
Чеб гьуьруьйрин къашар къвезва булахдал.
Килигда гьикl ятар цазва гичинриз,
Къугъунариз, сециз стlал хъичинриз.
Намик,вун гьич умуд межер,кlвачин жез-
Гьинва ви а яшар,къвезва булахдал?
13.04.20 г.
Булахдал
© Copyright: Намик Фарзалиев, 2020
Свидетельство о публикации №120050310788
Свидетельство о публикации №120050310788
Рецензии