Юрегим гюл бавдай яшнай сююнчден.
Тёшюме о сыймай бу дюнья таргъа.
Гьар гюнюм байрамдай уллу насипден.
Айдай атам-анам янымда баргъа.
Сав-саламат сизин гьаман гёрейим.
Сююнюп яшагъыз сыйлы бойларда.
Эсде яшлыгъыма гене къайтаман.
Атам-анам болгъан къумукъ тойларда.
Йыллар чалт агъа деп оьзен агъымдай.
Гёзьяш тёгюлмесин сизин гёзлерден.
Яшлыгъым битсе де бирде тоймасман.
Атам-анам айтгъан балдай сёзлерден.
Минг баракаллалар,атам-анама!
Минг алгъышлар тилеп и енглеп бёлейим.
Мени оьсдюрмеге тёкген къыйынны.
Азиз атам-анам,нетип тёлейим?!
Атам булан Анама!
© Copyright: Насият Даибова, 2020
Свидетельство о публикации №120042600292
Свидетельство о публикации №120042600292
Рецензии