Къарны аччы сувугъу
Къыш гелгенин билдире
Янгур герти ювугъум
Пашман ойлар сингдире
Ана даим гёрсе де,
Авлетинден тоямы.
Уьзсе авлет умутун,
Юрекни дерт къоямы.
Боран борап йибере,
Янгур къаргъа айлана.
Ана яшырып биле,
Яш намусгъа байлана.
Ана юрек сав чакъы,
Къарлар бузлар ирисин.
Ана юрек бар чакъы,
Анам азиз ирисим!
Ана юрек
© Copyright: Насият Даибова, 2020
Свидетельство о публикации №120042600232
Свидетельство о публикации №120042600232
Рецензии