Я ведаў гэта і раней,
Што прыйдзе некалі той час,
Калі не адчыніць дзвярэй,
Убачыць каб бацькоў анфас.
Пайшлі ад нас у вечнасць ціха,
У іншы свет бяз лішніх слоў,
Каб берагчы нас там ад ліха
І сустракацца ў тайне сноў.
Трымае брат сваю свячу,
Сваю ў руках сястра зжымае,
У думках са свячой лячу
Туды, дзе разам мы бываем.
Вялікдзень. Прыйдзе Радуніца.
Пакуты смерці, свет жыцця...
Няма жывей бацькоў крыніцы,
Святы рэцэпт ад забыцця!
Бацькам
© Copyright: Павел Литвинович, 2020
Свидетельство о публикации №120042310471
Свидетельство о публикации №120042310471
Рецензии