Уьцlуь, цуру и дуьньядин чир хьана,
Кlвач эцигайди зурба шаир хьана.
Устадвилелди сад–садахъ гелигиз,
Лацу чарчел мерженар хьиз эцигиз,
Мерженарни девлет–багъдихъ дегишнай,
Лейлидикай дуьньядиз са нехишнай.
Гъейридакай ашкъивилин са тажна,
Вичин къалам цавариз кьван хкажна,
Ашукь хьана вичел, вичин тарифиз,
Чарадан гаф, кар усал кьаз, зайифиз.
Гьар дамахдиз вичин ери, сан ава,
Лагьайтlа мад, адахъни заман ава.
Устадвилиз къамат авач, гаф лугьун,
Гьар келима, пис туша инсаф лугьун.
Гьар са гафни, лугьузва хьи къизил я,
Дуьз лагьайтlа,зунни адал пехил я.
Къизил гудай я перс амач, я ханни,
Гьам патал я авайди гил шуванни.
Къалам акур са бенде шаир хьанай,
Заз и карни аламат, фикир хьана.
Устадвилихъ къамат амач, ар хьана,
Далу тахьайдазни дуьнья дар хьана.
Устаддиз
© Copyright: Магомед Мирзоев Мирзой, 2020
Свидетельство о публикации №120040910226
Свидетельство о публикации №120040910226
Рецензии