Хабар кьурт/а дуст вуна зи гьалдикай
,Гьамиша лугьуда за гьал хъсан я.
Садазни тахьуй ван, рик/ин къалдикай,
Талагьрай заз , зайиф, усал инсан я.
Хабар кьурт/а дуст на, гьик/ я ви гуьгьуьл.
Къалурдач ваз, за накъварай ац/ай гьуьл.
Хъуьрена ваз ийида ви гьалар шад,
Дустар я чун, фадлай хуш тир садаз-сад.
Лугьудач дуст, ийидач ваз арзаяр,
Ара физ дар жезват/ани нефес зи.
Кам къачур кьван хъуьреда гваз асаяр
Гатазмай кьван , рик/и хурун кьефес зи.
Лигим хьанвай кас я дуст зун, гьулдан я.
Ц/ай кьулухъай , марф яд хьайи виликай.
Кутур к/ант/а накьварикни, са чан я.
Таза хьана , хуькведа зун , хкеч/на гьа чиликай!
Дустуниз
© Copyright: Гулья Мисриханова, 2020
Свидетельство о публикации №120040807364
Свидетельство о публикации №120040807364
Рецензии
