***
Нізенька сонца над лесам. Садзіцца.
Дым агародам плыве.
Што будзе сонейку міламу сніцца,
Як яно ноччу жыве?
Дым агародам плыве і знікае
Ў промнях вячэрняй зары.
Сонца над лесам на міг замірае,
Хоць яго ў рукі бяры!
Што будзе сонейку нашаму сніцца
Там за высокай гарой?
Сонца за сосны павольна садзіцца
Рыжай сваёй галавой.
Як яно ноччу жыве без паэта?
З кім яно лашчыцца, спіць?
Дзённая песня над хатай прапета.
Хай жа начную прысніць!
28 сакавіка 2020 г.
Нiзенька сонца над лесам. Садзiцца...
© Copyright: Юрий Боровицкий, 2020
Свидетельство о публикации №120032807699
Свидетельство о публикации №120032807699
Рецензии