Заз бадеди хранва
Яру, гуьллуь чивекар.
За бадедвай жузазва,
Ийиз жуван шикетар:
-Чан баде,зи чивекар
Куьз бес икьван бицlи я?
Кlандач заз и бицlекар,
Ибур гзаф гъвечlи я.
Заз чарабур храх на,
Ибур хьурай нинидиз.
Ам рекьида хвешила-
Вилер авай пlини хьиз.
-Чан руш, вунни гъвечlи я, -
Лугьузва заз бадеди.
Хъуьрезва ам, хвеши я,
Кьаз айнаяр накъвади.
И гафари зун кьуна,
Дерт хьана , зун ишена:
-Вучиз гъвечlи акуна,
Ава зун пуд яшина...
Лагьанва мад инал им-
Лугьуз тахьуй чаранал.
Ваз зун гъвечlи акунин
Себеб я ви айнаяр...
Саки за гаф лугьузвач,
На лугьуди вичив туш.
Зав гьич фикир вугузвач,
Бадед кефи-кlубан,хуш.
Хъуьрезва ам вил алаз
Зи чивекрин цуькерал.
Зун амазва мягьтел яз-
Вуч физватlа рикlерай?..
17.03.20г.
Зи чивекар
© Copyright: Намик Фарзалиев, 2020
Свидетельство о публикации №120031701536
Свидетельство о публикации №120031701536
Рецензии