СА МУХЬ Мустафа Ганижев

         СА МУХЬ     Мустафа Ганижев
Маьл ба – яьха, 1оажал ера аьла,
Денош текхаш, д1ахьож къаьра къадар.
Баленца уллув, тенна, г1айг1а яр,
Цундухьа бувлар дегахьа ала.

Юха а доадеш тхой вахара доаг1ар,
Дала кхелача даькъа вар нийсса.
Сай кхетамца довзаш сайна дег1ар,
Сага т1адиллар кхоачашдеш дизза.

Цига халхетараш Дала доадеш,
Йисача халонашта хулар никъ.
Ди-бийса ца къувсаш, аз торо еш,
Мела гаьна хулар со - маьржа яъ!

Хало ца ловш ший кулгах ваннар,
Водаш хул, ма йоахе жожаг1ата.
Ц1едаь ц1аст манна, вац хих ваьннар,
Хьанга кхаьчар ялсмале сел метта.

Ва-Вай! Со валар шоана юхера!
Сай хана чулаьттав со харц-наха.
Х1анза цу т1ергий му1а товра,
Кхы цхьа кепиг аз дохкаргдац, маьха.

Аз кхессар юххера яьха шиъ г1аж,
Со водавеш дакъан вордингашца.
Д1аайдергда вай, чай пела лу дош,
Каьстта пордув 1охецаш мушаца.

Чурта т1а хул йоазув дуташ б1арчча,
Из ваннув шоана, цар меттар Лаьча.
1ачувила хул, сийдоаца ахча,
Со мо боацаш, маькар бар, лачкъдучо.
15. 10. 2017 ш.